Nardaranın Ləiş bağlarında suvarma məqsədilə quyu qazılıb

Nardaranın Ləiş bağlarında 18-ci dalan ərazisində suvarma məqsədilə quyu qazılıb.

Bu barədə “Report”a Bakı Abadlıq Xidmətindən bildirilib.

Qeyd olunub ki, quyu suyu heç bir enerji sərfiyyatı olmadan, dəyirman vasitəsilə çıxarılır.

Eksperiment kimi təqdim olunan ekoloji təmiz layihə sınaqdan yaxşı çıxıb. Dəyirman normal qaydada işləyir, əldə olunan enerji quyuda quraşdırılmış kiçik mühərrikin işə düşməsinə kifayət edir. Suvarma işinə əlavə vəsait sərf edilmir, həm elektrik enerjisinə, həm də içməli suya qənaət olunur.