Azərbaycanda koronavirusa görə bağlanan sinif və məktəblərin sayı açıqlanıb

Azərbaycanda koronavirusa görə distant təhsilə keçən sinif və məktəblərin sayı açıqlanıb.

Təhsil Nazirliyindən "Report"un sorğusuna cavab olaraq bildirilib ki, 16 fevral tarixinə görə distant təhsildə olan sinif sayı 93, məktəb sayı isə 8-dir.

Qeyd edək ki, ölkədə aşağı siniflər üzrə əyani tədris sentyabrın 22-dən, yuxarı siniflər üzrə isə sentyabrın 29-dan başlayıb.