Emin Əmrullayev: "Məktəblərdə monitorinq qrupları fəaliyyət göstərəcək"

"Aidiyyəti nəzarət qurumları ilə birlikdə məktəblərdə monitorinq qrupları fəaliyyət göstərəcək".

"Report" xəbər verir ki, bunu təhsil naziri Emin Əmrullayev 2021-2022-ci tədris ilinin təşkilinə dair keçirilən brifinqdə bildirib.

Nazir bildirib ki, məktəblərdə fiziki-tərbiyə fənninin keçirilməsi və bufetlərin açılması ilə bağlı qərar mərhələli şəkildə qəbul ediləcək: "Bununla bağlı hazırlanacaq qərar layihəmizdə ətraflı məlumat veriləcək".