"BP-Azerbaijan" əməkdaşlarının 66%-ni peyvənd etdirib

Bu ilin II rübündə "BP-Azerbaijan" şirkəti Tibbi Ərazi Bölmələrini İdarəetmə Birliyinin (TƏBİB) təşkilatçılığı ilə Səngəçal terminalının personalı və işçi heyəti üçün iş yerində COVID-19 əleyhinə könüllü vaksinasiya kampaniyası keçirib.

"Report" bu barədə şirkətə istinadən xəbər verir.

Məlumata görə, rübün sonuna BP əməkdaşları və işçi heyəti də daxil olmaqla terminal personalının təxminən 66%-i öz iş yerlərini tərk etmədən, iş qrafiklərinə və sahədəki karantin qaydalarına əməl etməklə peyvənd olunub.