MEDİA rəsmisi: "Azərişıq" qarşısına qoyulan bu vəzifəni çox uğurla yerinə yetirib"

"Azərişıq" ASC tərəfindən Suqovuşan qəsəbəsinin elektrik təsərrüfatının tam şəkildə bərpa olunması və yenidən qurulması işləri başa çatdırılıb".

"Report" xəbər verir ki, bunu Suqovuşanda jurnalistlərə açıqlama verən Medianın İnkişafı Agentliyinin (MEDİA) şöbə müdiri Natiq Məmmədli deyib.

N.Məmmədli jurnalistlərin belə mediaturlarının davamlı olacağını qeyd edib:

"Müşahidələrimiz onu göstərir ki, "Azərişıq" qarşısına qoyulan bu vəzifəni çox uğurla yerinə yetirib. Medianın İnkişafı Agentliyi bundan sonra da işğaldan azad edilmiş ərazilərimizə mediturlar təşkil edəcək. İşğaldan azad olunmuş ərazilərimizdəki quruculuq işlərini işıqlandırmaq, yerli və beynəlxalq ictimaiyyətə çatdırmaq Azərbaycan mediasının əsas mövzusudur. Jurnalistlərimiz üzərinə düşən belə bir çətin və şərəfli missiyanı ləyaqətlə yerinə yetirirlər. Agentlik tərəfindən belə turlar silsilə xarakter daşıyacaq. İşğaldan azad olunmuş ərazilərimizdəki quruculuq prosesini tam şəkildə işıqlandırmaq davamlı xarakter alacaq".