Niderlandda benzinin qiyməti yeni rekord həddə çatıb

Niderlandda neftin bahalaşması fonunda benzinin qiyməti yeni rekord həddə çatıb.

“Report” xarici mətbuata istinadən xəbər verir ki, bunu Niderlandın “United Consumers” istehlakçı konsaltinq mərkəzinin məlumatları göstərir.

Hazırda benzinin pərakəndə satış qiyməti 1 litr üçün 2,504 avro təşkil edir. Amma bəzi yanacaqdoldurma məntəqələrində benzinin 1 litri hətta 2,55 avroya satılır. Demək, benzin martın 10-da qeydə alınan əvvəlki rekordla müqayisədə 0,2 sent bahalaşıb.

Niderlandda dizel yanacağının qiyməti də artıb. Hazırda onun 1 litri 2,22 avrodur.

Qeyd edək, bu ölkədə yanacağın qiymətinin artması əsasən neftin bahalaşması ilə bağlıdır.