Qırğızıstan TDT çərçivəsində texnologiyalar və “yaşıl təşəbbüs”lər üzrə regional mərkəzin yaradılmasını təklif edir

Qırğızıstan Türk Dövlətləri Təşkilatı (TDT) çərçivəsində bərpa olunan enerji mənbələrinin inkişafına dəstək məqsədilə texnologiya və "yaşıl təşəbbüs”lər üzrə regional mərkəz yaratmağı təklif edir.

"Report"un Bişkekə ezam olunan əməkdaşının məlumatına görə, bunu Qırğızıstan Prezidenti Sadır Japarov TDT Sammitində bildirib.

S.Japarov TDT ölkələrinin enerji sahəsində əməkdaşlığının əhəmiyyətini vurğulayıb.

O, Qırğızıstanın Mərkəzi Asiyanın böyük çaylarının mənbəyində yerləşdiyini, günəş və külək enerjisinin inkişafı üçün potensiala malik olduğunu xatırladıb: Ölkədə 50 kiçik və orta su elektrik stansiyasının tikintisi aparılır”.

Özbəkistan və Qazaxıstanla Kambar-Ata SES-1 layihəsi üzrə artıq əldə edilmiş razılaşmaları qeyd edən S.Japarov, TDT üzrə digər tərəfdaşları bu layihənin həyata keçirilməsinə qoşulmağa dəvət edib.