SOCAR-ın idarə və müəssisələrində Vətən müharibəsi şəhidləri anılıb

Bu gün SOCAR-ın idarə və müəssisələrində 44 günlük Vətən müharibəsində şəhid olanların xatirəsinə həsr edilən xüsusi anım günü ilə əlaqədar olaraq, mərasim keçirilib.

"Report”un məlumatına görə, canlarını Azərbaycanın ərazi bütövlüyü uğrunda qurban vermiş Vətən müharibəsi şəhidlərinin əziz xatirəsi saat 12:00-da bir dəqiqəlik sükutla yad edilib.

Vətən müharibəsində Silahlı Qüvvələrimizin 2 783 nəfər hərbi qulluqçusu həlak olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir. 100 nəfərdən artıq hərbi qulluqçumuz isə itkin düşmüş hesab olunur. Onların tapılıb ailələrinə məlumat verilməsi üçün zəruri tədbirlər görülür. Hazırda 1 245 nəfər hərbi qulluqçumuzun tibb müəssisələrində müalicəsi davam edir.

Allah bütün şəhidlərimizə rəhmət eləsin və yaralı hərbçilərimizə şəfa versin!

Vətəni yaşadan qəhrəmanları sevgi və ehtirmla anırıq. Allah rəhmət eləsin!#VictoriousAzerbaijaniHeroes will live forever pic.twitter.com/G1vkFDiKEV

— SOCAR (@SOCARofficial) December 4, 2020