SOCAR Ukraynaya “Rosneft”in dizel yanacağının ilk tədarükünü həyata keçirdi

Azərbaycan Dövlət Neft Şirkətinin (SOCAR) Rusiyanın “Rosneft” şirkəti ilə birgə yaradılan və Ukraynaya neft məhsulları tədarük edəcək şirkətin operatoru “SOCAR New Enegry” “Rosneft”in istehsalı olan dizel yanacağının Ukraynaya ilk tədarükünü həyata keçirib.

“Report” xəbər verir ki, bu barədə “Enkorr”a bazar iştirakçıları bildiriblər.

Artıq 2 min ton həcmdə yanacaq "OKKO Qrupu"na daxil olan şirkətin ünvanına tədarük edilib. Bu barədə nəşrə müsahibəsində mənbə bildirib. O əlavə edib ki, bugünün sonuna yanacaq gömrük rəsmiləşdirilməsindən keçəcək.

SOCAR Rusiyanın “Rosneft” dövlət neft şirkətinin Ukraynaya neft məhsullarını ixracında operator qismində iştirak edəcək. Əldə olunan məlumata görə, “SOCAR Trading” şirkətinin İsveçrə ofisi ukraynalı tərəfdaşları ilə satışa və əlaqəyə nəzarət edəcək. Bu arada, həcmlərin paylanmasında və satışında şirkətin Ukrayna ofisinin rolu istisna deyil.

“Enkorr”un mənbəsinin məlumatına görə, şirkətin may ayı üçün kvotası 100 min tondan artıq dizel yanacağı və 12 min ton sıxılmış qazdır. Bununla belə, bazar iştirakçıları əvvəllər tədarükün başlanması üçün ehtimal olunan müddətin yalnız iyun ayının əvvəli ola biləcəyini qeyd etdilər.

Həmçinin bildirilir ki, SOCAR-ın TERM müqavilələri üzrə ilk mayeləşdirilmiş neft qazı (LPG) tədarükü 2021-ci ilin iyul ayından təklif edilə bilər. İlk belə müqavilənin orta dəyəri “Argus daf Brest” kotirovkası üzrə aylıq hər ton üçün 25 ABŞ dolları təşkil edə bilər. “SOCAR New Enegry” “Rosneft” şirkətinin avtomobil qazının spot partiyalarını may və iyun aylarında ortalama “daf Brest” kotirovkası üzrə hər ton üçün 40 ABŞ dolları dəyərində satışını təklif edir.