Vüqar Əhmədov Beyləqanda vətəndaşları qəbul edib

Bu gün “Azərişıq” ASC-nin sədri Vüqar Əhmədov Beyləqanda vətəndaşları qəbul edib

“Report” quruma istinadən xəbər verir ki, qəbulda Beyləqanla yanaşı Füzuli və Xocavənd rayonlarından olan vətəndaşlar da iştirak edib.

Görüş zamanı qurumun fəaliyyət istiqamətlərinə uyğun olan müvafiq müraciətlər cavablandırılıb, qaldırılan bəzi məsələlərin yerindəcə həlli ilə bağlı tədbirlər görülüb. Həlli araşdırma tələb edən məsələlərlə əlaqədar yazılı müraciət qeydə alınaraq aidiyyəti şöbələrin icraatına göndərilib.