"Zaltsburq" klubunun üzvü Azərbaycana deportasiya olunur

Avstriyanın "Zaltsburq" klubunda çıxış edən stolüstü tennisçi Hüseyn Səlimov ailəsi ilə birgə Azərbaycana deportasiya olunacaq.

"Report" "Sn.at" nəşrinə istinadən xəbər verir ki, bu barədə klubun vitse-prezidenti Valter Vindişbauer açıqlama verib.

Onun sözlərinə görə, ailə fevralın 15-də deportasiya ediləcək. Vindişbauer H.Səlimovun yaxşı inteqrasiya olunduğunu söyləyib. Klub rəsmisi azərbaycanlı idmançının hazırda ən yaxşı stolüstü tennisçilərdən biri olduğunu sözlərinə əlavə edib: "Şənbə günü günortadan sonra altı polis məmuru ailəni Alpenştrassedəki sığınacaqdan götürərək Zaltsburq şəhərindəki orqanlara aparıb".