Böyük Dəbilqə: Hidayət Heydərov və Elcan Hacıyev bürünc medal qazanıb

Bakıda keçirilən cüdo üzrə Böyük Dəbilqədə Azərbaycan yığması 5-ci medalını qazanıb.

"Report"un məlumatına görə, 81 kq çəki dərəcəsində yer alan Elcan Hacıyev bürünc medala sahib olub. O, 3-cü yer uğrunda görüşdə Hasil Cəfərovu vaza-ari xalı ilə məğlub edib.

Qeyd edək ki, hazırda Azərbaycan millisinin aktivində 1 qızıl, 1 gümüş, 3 bürünc medal var. Daha əvvəl Orxan Səfərov (66 kq) qızıl, İçinxorlu Munxtsedev (57 kq) gümüş, Rövşən Əliyev (60 kq) və Hidayət Heydərov (73 kq) bürünc medal əldə edib.

Azərbaycan cüdoçusu Hidayət Heydərov Bakıda keçirilən Böyük Dəbilqədə bürünc medal görüşünə çıxıb.

"Report"un məlumatına görə, 73 kq-da yer alan idmançının rəqibi almaniyalı Lukas Vennekold olub.

Qarşılaşmanın əsas vaxtında hesab açılmayıb. Qızıl xal bölümündə vazari ilə qalib gələn Heydərov 3-cü yeri tutub.

Azərbaycan 3 cüdoçusu Bakıda keçirilən Böyük Dəbilqədə bürünc medal görüşlərinə çıxacaq.

"Report"un məlumatına görə, 73 kq-da Hidayət Heydərov, 81 kq-da isə Elcan Hacıyev və Hasil Cəfərov 3-cü yer uğrunda mübarizə aparacaq.

Heydərov almaniyalı Lukas Vennekoldla üz-üzə gələcəksə, Hacıyev və Cəfərov bürünc medalın taleyini öz aralarındakı görüşdə həll edəcəklər.

Bu gün mübarizəyə qoşulan digər 8 cüdoçu isə yarışla vidalaşıb.

Bu gün Azərbaycanın daha 11 cüdoçusu Bakıda keçirilən Böyük Dəbilqədə mübarizəyə qoşulacaq.

"Report"un məlumatına görə, ikinci yarış günündə 73 və 81 kq çəki dərəcələrində kişi idmançılar, 63 və 70 kq-da isə qadınlar qüvvəsini sınayacaq.

Yarışın ilk günündə Orxan Səfərov (66 kq) qızıl, İçinxorlu Muntsxedev (57 kq) gümüş, Rövşən Əliyev (60 kq) isə bürünc medal qazanıb.

Kişilər

73 kq

1/16 final. Rüfət Məmmədov - Ryo Tsukamoto (Yaponiya)

1/16 final. Telman Vəliyev - Lukas Vennokold (Almaniya)

1/8 final. Hidayət Heydərov - Mixel Adam (Almaniya) / Kornel Andries (Moldova) cütünün qalibi

1/8 final. Rüstəm Orucov - Uranbayar Odgerel (Molqolustan) / Ken Oyoşi (Yaponiya) cütünün qalibi

81 kq

1/8 final. Elcan Hacıyev - Xaknazar Nazarov (Tacikistan) / Yoşimiçi Kamoçi (Yaponiya) cütünün qalibi

1/16 final. Ömər Rəcəbli - Zebeda Rexviaşvili (Serbiya)

1/16 final. Hasil Cəfərov - Giqa Giqauri (Gürcütan)

1/16 final. Kərim Məmmədov - Murrentsen Battulqa (Monqolustan)

Qadınlar

63 kq

1/8 final. Aytac Qardaşxanlı - Qabriella Moraes (Braziliya)

70 kq

1/8 final. Südabə Ağayeva - Utana Terada (Yaponiya)

1/4 final. Günel Həsənli - Lara Çvetko (Xorvatiya).

Qeyd edək ki, Heydər Əliyev adına İdman Kompleksində təşkil olunan Böyük Dəbilqəyə noyabrın 7-də yekun vurulacaq.