Azərbaycanın daha bir təmsilçisi Paris-2024 Yay Paralimpiya Oyunlarına lisenziya qazanıb

Parakamandan oxatma üzrə milli komandamızın üzvü Cahan Musayev Paris-2024 Yay Paralimpiya Oyunlarında iştirak edəcək.

Bu barədə "Report"a Azərbaycan Milli Paralimpiya Komitəsindən məlumat verilib.

Qurum tərəfindən göndərilən sorğu əsasında idmançıya Beynəlxalq Paralimpiya Komitəsindən yarışda iştirak hüququ ("bipartite") verilib.

Qeyd edək ki, Paris-2024 Yay Paralimpiya Oyunları avqustun 28-dən sentyabrın 8-dək təşkil olunacaq.