FIDE Türkiyədəki zəlzələdə zərər çəkənlərə yardım edəcək

Beynəlxalq Şahmat Federasiyası (FIDE) Türkiyə və Suriyada baş vermiş zəlzələdə zərər çəkənlərə yardım edəcək.

"Report"un məlumatına görə, bu barədə FIDE-nin paylaşımında bildirilib.

Qeyd olunub ki, onların vəziyyəti və ilkin ehtiyacları haqqında daha dəqiq informasiya alındıqdan sonra prosesə start veriləcək.

Bundan başqa, qurum faciəvi şəkildə həlak olanlara görə Türkiyə xalqına dərin hüznlə başsağlığı verib.

"Bu çətin zamanda düşüncələrimiz və dualarımız onlarladır", - vurğulanıb.

Qeyd edək ki, Türkiyədə 7,4 maqnitudalı gücündə zəlzələ olub. Episentri Kahramanmaraş olan təkanlar nəticəsində bir neçə ətraf rayonda güclü dağıntılar qeydə alınıb.