"Formula 1": Yeni dünya çempionu ilə uzunmüddətli müqavilə imzalanıb

"Formula 1" üzrə dünya çempionatında çıxış edən "Red Bull" komandası pilotu Maks Ferstappenlə müqavilənin müddətini uzadıb.

"Report" yarışın rəsmi saytına istinadən xəbər verir ki, 25 yaşlı sürücünün yeni sözləşməsi 2028-ci ilədək nəzərdə tutulub.

Niderlandlı pilotun hazırkı müqaviləsi 2023-cü ildə başa çatmalı idi. 2016-cı ildən "Red Bull"da çıxış edən Ferstappen ötən mövsüm karyerasında ilk dəfə dünya çempionu olub.

Qeyd edək ki, "Formula 1" mövsümünə martın 20-də Bəhreyndə start veriləcək. 10 - 12 iyunda Bakıda Azərbaycan Qran-prisi təşkil olunacaq.