Qazaxıstan cüdoçuları Bakıda təlim-məşq toplanışına başlayıb

Cüdo üzrə Qazaxıstan yığması Bakıda Azərbaycan millisi ilə təlim-məşq toplanışına başlayıb.

Federasiyanın Mətbuat Xidmətindən "Report"a verilən məlumata görə, hazırlıq prosesinə Qazaxıstanın ümumilikdə 29 idmançısı qatılıb.

Toplanışda əsas məqsəd cüdoçuların beynəlxalq yarışlara hazırlıqlarının təkmilləşdirilməsi, onların taktiki biliklərinin artırılması və yarış təcrübələrinin daha da gücləndirilməsidir.

Qeyd edək ki, təlim-məşq toplanışı aprelin 22-dək davam edəcək.