"McLaren" pilotu "Formula 1" üzrə Niderland Qran-prisinin təsnifat mərhələsinin qalibi olub

"McLaren" komandasının britaniyalı pilotu Lando Norris "Formula 1" çempionatının 15-ci mərhələsinin - Niderland Qran-prisinin təsnifat mərhələsinin qalibi olub.

"Report" TASS-a istinadən xəbər verir ki, ikinci yeri "Red Bull" komandasının niderlandlı pilotu Maks Ferstappen tutub.

Norrisin komanda yoldaşı, avstraliyalı Oskar Piastri üçüncü olub.

Əsas yarış avqustun 25-də baş tutacaq və Bakı vaxtı ilə saat 17:00-da başlayacaq.