"Aberdin" klubu "Qarabağ"la oyun üçün biletlərin qiymətini endirib

Şotlandiyanın "Aberdin" klubu "Qarabağ"a qarşı keçirəcəyi UEFA Konfrans Liqasının pley-off mərhələsinin ev oyununun biletlərini satışa çıxarır.

"Report" klubun rəsmi saytına istinadən xəbər verir ki, "Pittodri" stadionundakı cavab qarşılaşma üçün 18 min biletin satışı mümkün olacaq. Arenanın tutumu 22 mindir.

Aberdin təmsilçisi bilet qiymətlərinin aşağı endirildiyini açıqlayıb. Qiymətlər 6 - 32 funt sterlinq arasında dəyişir.

Qeyd edək ki, avqustun 19-da Tofiq Bəhramov adına Respublika stadionunda keçiriləcək "Qarabağ" - "Aberdin" oyunu saat 20:00-da start götürəcək. Cavab qarşılaşması bir həftə sonra Şotlandiyada baş tutacaq.