"Araz-Naxçıvan"ın əməliyyat olunan kapitanı fərdi məşqlərə başlayıb

Bir müddət əvvəl əməliyyat olunan "Araz-Naxçıvan"ın kapitanı Vadim Abdullayev fiziki hazırlıq üzrə məşqçi Teodor Terzievin rəhbərliyi altında fərdi məşqlərə başlayıb.

Klubdan "Report"a verilən məlumata görə, Abdullayevlə bərabər Bayraməli Qurbanov da fərdi məşqlərə start verib.

Qeyd edək ki, “qırmızı-ağlar” Misli Premyer Liqasının XV turunda "Turan Tovuz"la qarşılaşacaq. “Liv Bona Dea Arena”da keçiriləcək matç saat 16:00-da başlayacaq.