Asiya Çempionlar Liqası: Ronaldunun dubl etdiyi matçda "Əl-Nəsr" qələbə qazanıb

Portuqaliyalı ulduz futbolçu Kriştianu Ronaldunun çıxış etdiyi "Əl-Nəsr" kollektivi Asiya Çempionlar Liqasının V turunda qələbə qazanıb.

"Report" xəbər verir ki, Ronaldunun dubl etdiyi (46, 64) matçda komandası Qətər təmsilçisi "Əl-Qarafa"nı 3:1 hesabı ilə məğlub edib.

"Əl-Nəsr"in digər qolunu Angelo Qabriel (58) rəqib qapısından keçirib. "Əl-Qarafa"nın yeganə qolunu isə "Real"ın (Madrid, İspaniya) sabiq futbolçusu Xoselu (75) vurub.

Qeyd edək ki, Ronaldu bununla da karyerasında vurduğu qolların sayını 913-ə çatdırıb.