Azərbaycanın U-21 millisi İngiltərəyə məğlub olub

Azərbaycanın 21 yaşadək futbolçulardan ibarət yığması Avropa çempionatının seçmə mərhələsində İngiltərəyə məğlub olub.

"Report" xəbər verir ki, tsiklin son matçını səfərdə keçirən Samir Əliyevin rəhbərlik etdiyi kollektiv rəqibinə 0:7 hesabı ilə uduzub.

Qarşılaşma Bristol şəhərindəki "Eşton Qeyt" stadionunda baş tutub.

Qeyd edək ki, Azərbaycan millisi 3 xalla turnir cədvəlinin sonuncu pilləsində qərarlaşıb.