"Barselona"nın futbolçusu "Real Madrid"lə oyunda zədələnib

İspaniya "Barselona"sının futbolçusu Frenki De Yonq zədələnib.

"Report" klubun rəsmi saytına istinadən xəbər verir ki, niderlandlı yarımmüdafiəçi evdə "Real Madrid"ə 1:2 hesabı ilə uduzduqları La Liqanın X tur matçında sıradan çıxıb.

İkinci hissədə bud əzələsindən xəsarət alan 24 yaşlı oyunçu 77-ci dəqiqədə Serxi Roberto ilə əvəzlənib.

De Yonqun sıraya dönmə vaxtı bərpa prosesinin gedişindən asılı olacaq.