"Bavariya" 19 yaşlı futbolçu üçün 55 milyon avro təklif edib

Almaniyanın "Bavariya" klubu Fransa təmsilçisi "Renn"in 19 yaşlı yetirməsi Dezir Dueni heyətinə qatmaq üçün yüksək məbləğ təklif edib.

"Report" "L'Equipe"ə istinadən xəbər verir ki, Münxen klubu bu transfer üçün 55 milyon avro, həmçinin əlavə bonuslar verməyə hazırdır.

Reallaşacağı təqdirdə bu, Almaniya klubunun bütün zamanlarda ən bahalı 4-cü transferi olacaq. Münxen təmsilçisi bundan əvvəl Maykl Olis üçün İngiltərənin "Kristal Pelas" klubuna 53 milyon avro ödəyib.

Qeyd edək ki, D.Due son mövsümdə "Renn" klubunun heyətində meydana çıxdığı 31 oyunda 4 qolla yadda qalıb.