"Bavariya" Nagelsmanla anlaşdı

Almaniya "Bavariya"sı "Leyptsiq"in baş məşqçisi Yulian Nagelsmanla anlaşıb.

"Report" xəbər verir ki, bu barədə "Bild" nəşrinin müxbiri Kristian Falk özünün tvitter hesabında yazıb.

Onun sözlərinə görə, Münhen təmsilçisinin hazırkı baş məşqçisi Hans-Diter Fliki növbəti mövsümdən 34 yaşlı mütəxəssis əvəzləyəcək.

"Kicker" nəşri isə yazıb ki, Nagelsman "Leyptsiq" rəhbərliyinə müraciət edərək, müqaviləsinə xitam verilməsini xahiş edib.

Hans-Diter Flikin Almaniya millisinin sükanı arxasına keçəcəyi gözlənilir.