Bosniya və Herseqovinada ölkə çempionatının oyunları təxirə salınıb

Bosniya və Herseqovina Futbol Federasiyası daşqın səbəbindən bu həftəsonu baş tutacaq ölkə çempionatının oyunlarını təxirə salıb.

"Report" xəbər verir ki, bu barədə federasiyanın mətbuat xidməti məlumat yayıb.

Qarşılaşmaların hansı tarixlərdə keçiriləcəyi açıqlanmayıb.

Ölkədə baş verən təbii fəlakət nəticəsində 14 nəfərin öldüyü, bir neçə nəfərin isə itkin düşdüyü bildirib.