UEFA Avropa Liqası: "Budyo Qlimt" - "Qarabağ" oyununun hakimləri bəlli olub

Norveçdə yerli "Budyo Qlimt" və "Qarabağ" komandaları arasında keçiriləcək UEFA Avropa Liqasının Liqa mərhələsinin oyununun təyinatları bəlli olub.

"Report"un məlumatına görə, qarşılaşma Portuqaliyadan olan hakimlər briqadasına tapşırılıb.

Matçı FIFA referisi Luiş Qodinyu idarə edəcək. Ona Ruy Teyşeyra və Pedru Almeyda kömək göstərəcəklər. Dördüncü hakim funksiyasını Andre Narsişu yerinə yetirəcək. VAR-da Hüqo Migel, AVAR-da Fabio Oliveyra Melo əyləşəcəklər.

Qeyd edək ki, UEFA Avropa Liqasının Liqa mərhələsinin IV turunun "Budyo Qlimt" - "Qarabağ" oyunu noyabrın 7-də, saat 21:45-də başlayacaq.