"Çelsi" İngiltərə Kubokunun 1/4 finalına çıxdı

"Çelsi" İngiltərə Kubokunun 1/8 final matçında "Barnsli" ilə qarşılaşıb.

“Report” xəbər verir ki, görüş Barnslidəki "Oakvell" stadionunda keçirilib və qonaqların 1:0 hesablı qələbəsi ilə başa çatıb.

Qarşılaşmada yeganə qol 64-cü dəqiqədə vurulub - hücumçu Temmi Abraham fərqlənib.

Bununla da “Çelsi” İngiltərə Kubokunun 1/4 finalına yüksəlib.

Tomas Tuxelin yetirmələri yarımfinala çıxmaq üçün "Şeffild Yunayted"lə qarşılaşacaqlar.