İngiltərə klubunun baş məşqçisi və iki futbolçusu koronavirusa yoluxdu

İngiltərənin "Vest Hem" futbol komandasının baş məşqçisi Devid Moyes koronavirusa yoluxub. 

"Report"un klubun rəsmi saytına istinadən məlumatına görə, oyunçulardan İssa Diop və Coş Kallenin də testləri müsbət nəticə verib. Bütün yoluxanlar komandanın düşərgəsini dərhal tərk edərək, karantinə yollanıblar. Kollektivə köməkçi-məşqçi Alan İrvayn rəhbərlik edəcək. 

Qeyd edək ki, "Vest Hem" ötən mövsüm Premyer Liqada 39 xalla 16-cı yeri tutub. 38 qarşılaşmadan 99 xal toplayan "Liverpul" çempion olub.