İngiltərə Liqa Kubokunda əvəzetmə sayı artırılıb

Futbol üzrə İngiltərə Liqa Kubokunda əvəzetmə sayı artırılıb.

"Report" "Sky Sports"a istinadən xəbər verir ki, komandalara hər oyunda 5 futbolçu dəyişdirməyə icazə verilib.

Qərar oktyabrın sonunda qüvvəyə minəcək. Turnirdə mübarizəyə davam edən 16 klubdan 14-ü sıx qrafiklə bağlı narahat olduqlarını bildirib.

Qeyd edək ki, İngiltərə Liqa Kubokunda 1/8 final mərhələsi oktyabrın 26-da başlayacaq.