İngiltərə millisinin hücumçusu karyerası ilə bağlı qərarını açıqlayıb

İngiltərə millisinin və "Tottenhem" klubunun futbolçusu Harri Keyn karyerası ilə bağlı qərarını açıqlayıb.

"Report"un məlumatına görə, 28 yaşlı hücumçu bu barədə tviterdə paylaşım edib.

Təcrübəli forvard bu yay London təmsilçisində qalacağını və komandanın uğur qazanmasına kömək edəcəyini bildirib.

Qeyd edək ki, Harri Keyn 2013-cü ildən "Tottenhem"də çıxış edir. O, üç dəfə İngiltərə Premyer Liqasının bombardiri olub. Forvard 221 qolla klub tarixinin ən çox qol vuran oyunçusudur.