İngiltərə Premyer Liqasının ən yaxşı oyunçularının siyahısı açıqlanıb

ESPN 2024/2025 mövsümünün başlaması ərəfəsində İngiltərə Premyer Liqasının ən yaxşı oyunçularının yeni siyahısını açıqlayıb.

"Report" xəbər verir ki, reytinqin ilk pilləsində "Mançester Siti" klubunun yarımmüdafiəçisi Rodri qərarlaşıb.

İkinci yerə isə onun komanda yoldaşı Erlinq Holann layiq görülüb. “Arsenal” klubunun futbolçusu Martin Odeqard isə üçüncü olub.

Qeyd edək ki, İngiltərə çempionatında ilk tura avqustun 16-da start veriləcək.