İspaniya hökuməti Avropa Super Liqası ideyasına qarşı çıxıb

İspaniya hökuməti aparıcı futbol klublarının yaratmaq istədiyi Avropa Super Liqası layihəsinə qarşı çıxıb.

"Report" "Marca"ya istinadən xəbər verir ki, krallıq Avropa İttifaqı Məhkəməsinə məktub göndərərək Superliqaya qarşı mübarizədə UEFA, La Liqa və İspaniya Futbol Federasiyasına dəstək verib.

Qeyd edək ki, daha əvvəl UEFA Superliqada qalan klublara qarşı araşdırmanı dayandırıb. İspaniyanın "Real Madrid", "Barselona" və İtaliyanın "Yuventus" klubları Avropa Super Liqası ideyasına sadiq olduqlarını bəyan ediblər.