İtaliya klubu tanınmış futbolçu ilə yollarını ayırdı

İtaliyanın "Fiorentina" klubu futbolçusu Frank Riberi ilə yollarını ayırıb.

"Report" Florensiya təmsilçisinin rəsmi saytına istinadən xəbər verir ki, 38 yaşlı yarımmüdafiəçinin başa çatan müqaviləsi yenilənməyib.

Fransalı oyunçu bu komandada 51 oyuna çıxıb, 5 qol və 10 məhsuldar ötürmə ilə yadda qalıb.

Qeyd edək ki, Frank Riberi 2019-cu ilin avqustunda Almaniyanın "Bavariya" klubundan "Fiorentina"ya keçmişdi.