"Kəpəz"in daha bir futbolçusu əməliyyat olunub

"Kəpəz" klubunun futbolçusu Elmir Tağıyev əməliyyat olunub.

"Report" xəbər verir ki, bu barədə Gəncə təmsilçisinin mətbuat xidməti məlumat yayıb.

Əməliyyat uğurla aparılıb. Tağıyevin bərpa müddəti 3 həftə çəkəcək.

Futbolçuya əzələ qopması diaqnozu qoyulmuşdu.

Qeyd edək ki, daha əvvəl "Kəpəz"in digər üzvü İlkin Qırtımov əməliyyat olunmuşdu.