Kriştianu Ronaldu özünün dünya rekordunu yeniləyib

Səudiyyə Ərəbistanı təmsilçisi "Əl-Nəsr"də çıxış edən Kriştianu Ronaldu özünün dünya rekordunu yeniləyib.

"Report" xəbər verir ki, Pro Liqanın XII turunda "Damak"la keçirilən görüşdə dublu sayəsində komandasına 2:0 hesablı qələbə qazandıran portuqaliyalı ulduz futbolçu karyerasındakı 915-ci qoluna imza atıb.

39 yaşlı hücumçu hədəfinin 1000 qola çatmaq olduğunu bildirib.

Qeyd edək ki, "Damak" klubuna 2:0 hesabı ilə qalib gələn "Əl-Nəsr" Səudiyyə Ərəbistanı çempionatında 25 xalla üçüncü sırada qərarlaşıb.