"Liverpul" braziliyalı qapıçı ilə uzunmüddətli müqavilə bağlayıb

İngiltərə "Liverpul"u qapıçısı Alisson Bekerlə müqavilənin müddətini uzadıb.

"Report" klubun rəsmi saytına istinadən xəbər verir ki, braziliyalı qolkiperlə 6 illik yeni sözləşmə imzalanıb.

Qeyd edək ki, Beker 2018-ci ilin yayından Mersisayd təmsilçisində çıxış edir. 29 yaşlı qapıçı ötən mövsüm 42 oyunda meydana çıxıb və 41 qol buraxıb.