"Liverpul" 4 futbolçusu ilə vidalaşıb

İngiltərənin "Liverpul" klubu futbolçusu Divok Origi ilə yollarını ayırıb.

"Report" Mersisayd təmsilçisinin rəsmi saytına istinadən xəbər verir ki, 27 yaşlı hücumçunun iyunun sonunda başa çatacaq müqaviləsi uzadılmayıb.

Belçika millisinin üzvü komandanı azad agent qismində tərk edib.

Bundan əlavə, "Liverpul" qapıçı Loris Karius və icarə əsasında başqa komandalarda oynayan Şeyi Odjo və Ben Vudburnla da yollarını ayırıb.

Qeyd edək ki, 2014-cu ildən "Liverpul"da çıxış edən Divok Origi müxtəlif vaxtlarda Almaniya "Volfsburq"una və Fransa "Lill"inə icarəyə verilib. Hücumçu Mersisayd klubu ilə İngiltərə Premyer Liqasının və UEFA Çempionlar Liqasının qalibi olub.