"Makkabi"nin qapıçısının "Neftçi" ilə oyunda başı yarılıb

İsrailin "Makkabi" (Hayfa) komandasının qapıçısı Coşua Koen Bakıda "Neftçi"yə qarşı keçirdikləri UEFA Konfrans Liqasının pley-off mərhələsinin ilk oyununda xəsarət alıb.

"Report"un məlumatına görə, qolkiper meydan sahiblərinin kapitanı Emin Mahmudovla üzbəüz epizodda zədələnib. Başı yarılan qapıçı tibbi yardım göstərildikdən sonra oyunu davam etdirib.

Mahmudova isə sarı vərəqə göstərilib.

Qeyd edək ki, hazırda matçda ikinci hissə oynanılır və hesab bərabərdir - 1:1.