“Mançester Yunayted” səfərdə böyük hesablı qələbə qazandı

Bu gün Avropa Liqasının 1/16 final mərhələsinin növbəti oyunu keçirilib.

“Report” xəbər verir ki, “Mançester Yunayted” (İngiltərə) səfərdə “Real Sosyedad” (İspaniya) klubu ilə qarşılaşıb.

Oyun İspaniya klubunun böyük hesablı məğlubiyyəti ilə bitib.

Brunu Fernandeş oyunda dubl edib. Daha sonra Markus Reşford və Deniel Ceyms fərqlənib. “Real Sosyedad” vurulan dörd qolun əvəzini çıxa bilməyib.

Növbəti qarşılaşma 25 fevralda İngiltərədə baş tutacaq.