Məhəmməd Salah koronavirusa yoluxdu

İngiltərənin "Liverpul" klubunun futbolçusu Məhəmməd Salahda koronavirus aşkarlanıb.

"Report"un məlumatına görə, Misir yığmasının düşərgəsində olan 28 yaşlı hücumçunun testi müsbət nəticələnib.

Təcrübəli oyunçuda xəstəliyin simptomları aşkarlanmayıb. Millinin digər üzvlərinin test nəticəsi mənfidir.

Qeyd edək ki, Misir yığması noyabrın 14-də Afrika Millətlər Kubokunun seçmə mərhələsində Toqo ilə üz-üzə gələləcək.