Millimizin daha bir futbolçusu Polşa klubuna keçdi

Azərbaycan millisinin və "Neftçi"nin futbolçusu Anton Krivotsyuk Polşanın "Visla" (Plotsk) komandasına keçib.

"Report"un məlumatına görə, bu barədə klubun rəsmi saytı məlumat yayıb.

23 yaşlı müdafiəçi Plotsk təmsilçisi ilə 2 illik müqavilə bağlayıb. O, yeni komandasında 5 nömrəli forma ilə çıxış edəcək.

Daha əvvəl yığmanın hücumçusu Mahir Emreli Polşa "Legiya"sı ilə 3+1 illik sözləşməyə imza atıb.

Qeyd edək ki, Anton Krivotsyukun "Neftçi" ilə müqaviləsi cari mövsümün sonunda başa çatıb.