Millimizin hücumçusu əməliyyat olundu

Azərbaycan millisinin və İsveçrənin "Qrasshopper" klubunun futbolçusu Renat Dadaşov Avstriyada əməliyyat olunub.

"Report" xəbər verir ki, bu barədə 21 yaşlı hücumçu özünün rəsmi "Instagram" səhifəsində məlumat verib.

Əməliyyatın yaxşı keçdiyini vurğulayan gənc forvard bundan sonra daha səylə çalışmalı olduğunu bildirib: "Həyatda eniş-yoxuşlar olur. Bunlar onun bir parçasıdır. İlk mərhələ geridə qaldı. Əvvəlkindən daha çox çalışmalı olduğum vaxt gəlib çatdı. Asan heç nə yoxdur, amma bunlar məni öldürmür, əksinə, daha da güclü edir".

Dadaşov bu müddətdə ona dəstək olan insalara təşəkkür edib: "Ailəm, dostlarım və komanda yoldaşlarım sağ olsunlar. Hər gün mənə dəstək olurlar. Həmçinin tibb işçilərinə də təşəkkür edirəm. Yenidən güclü olmaq üçün çox çalışacağam. Tezliklə görüşənədək!".

Qeyd edək ki, Renat Dadaşov Azərbaycan yığmasının Lüksemburq (1:2) və Kiprlə (1:0) keçirdiyi UEFA Millətlər Liqasının oyunlarına dəvətlilər sırasında olub. 

View this post on Instagram

The surgery went well, there are ups and downs in life,it is part of it,the first phase is over.For me it is now time to work harder than before.It has never been easy in life but what doesn't kill me only makes me stronger 💪🏽 and thanks to my family,friends and supporters wich support me every single day of my life as well a big thank you to the outstanding medical staff of @wolves and @gc_zuerich_offiziell .I will work to be back stronger than before .See you soon 🙏🏽❤️

A post shared by Renat Dadashov (@renat_dada) on Sep 16, 2020 at 8:35am PDT