MLS-də ən çox maaş alan futbolçular açıqlandı

ABŞ-ın MLS liqasında ən çox maaş alan futbolçuların adları açıqlanıb.

"Report" yarışın rəsmi saytına istinadən xəbər verir ki, siyahının ilk pilləsində "Los-Anceles"in hücumçusu Karlos Vela qərarlaşıb. 32 yaşlı meksikalı oyunçunun illik məvacibi 6,3 milyon ABŞ dollarıdır.

"Los-Anceles Qelaksi"də çıxış edən Xavyer Ernandes (6 milyon dollar) ikinci, "İnter Mayami"də oynayan Qonsalo İquain (5,79 milyon dollar) isə üçüncü sırada yer alıb.