Namik Ələskərovun "Bursaspor"da debüt edəcəyi vaxt bəlli olub

Azərbaycan millisinin futbolçusu Namik Ələskərovun Türkiyənin "Buraspor" klubunda debüt edəcəyi vaxt açıqlanıb.

"Report" "Bursaspordabugun" nəşrinə istinadən xəbər verir ki, "timsahlar" 26 yaşlı yarımmüdafiəçini Türkiyə I liqası üçün sifariş edib.

Ələskərovun avqustun 28-də "Eyupspor"la III tur matçında meydana çıxacağı gözlənilir.

Qeyd edək ki, Namik Ələskərov "Bursaspor"la 2 illik müqavilə imzalayıb. O, ikinci turda sabiq klubu "Neftçi" transfer vərəqini vermədiyi üçün meydana çıxmayıb. Komanda hazırda iki oyundan sonra 1 xalla 12-16-cı yerləri bölüşdürür.