"Neftçi" daha bir futbolçusu ilə müqaviləni uzatdı

“Neftçi” klubu yetirməsi Fəhmin Muradbəyli ilə müqavilənin müddətini uzadıb.

"Report" paytaxt təmsilçisinin rəsmi saytına istinadən xəbər verir ki, anlaşmaya əsasən, yarımmüdafiəçisi 2023-cü il mayın 31-dək "ağ-qaralar"ın formasını geyinəcək.

25 yaşlı futbolçu 2013-2017, 2020-2021-ci illər ərzində “Neftçi”nin heyətində 85 rəsmi oyunda meydana çıxıb, 6 qola imza atıb.

Qeyd edək ki, “Neftçi” bundan əvvəl digər yetirməsi Ömər Buludovla yeni müqavilə bağlayıb.