Premyer Liqa klubu "Korintians"ın hücumçusunu transfer etmək istəyir

İngiltərənin "Nottinqem Forest" klubu Braziliya təmsilçisi "Korintians"ın hücumçusu Yuri Albertonu transfer etmək istəyir.

"Report" "Bolavip"ə istinadən xəbər verir ki, Premyer Liqa təmsilçisi futbolçu üçün 23 milyon avro təklif etməyə hazırlaşır.

Qeyd edək ki, 23 yaşlı futbolçu Braziliya klubuna 2023-cü ildə transfer olunub. Onun müqaviləsinin müddəti 2027-ci ilin sonuna qədərdir. "Transfermarkt" portalı futbolçunun bazar dəyərini 11 milyon avro qiymətləndirir.