PSJ-nin qapıçısı 30 ukraynalı qaçqını evində qəbul edib

Fransanın PSJ klubunun qapıçısı Keylor Navas ukraynalı qaçqınlara kömək edib.

"Report" "sport.es"ə istinadən xəbər verir ki, 36 yaşlı qolkiper Parisdəki evində 30 nəfəri yerləşdirib.

Kosta-Rikadan olan oyunçu onlar üçün 30 çarpayı da alıb.

Qeyd edək ki, Keylor Navas hazırda Kosta-Rika millisinin düşərgəsindədir. Yığma son olaraq bu gün dünya çempionatının seçmə mərhələsinin XII turunda evdə Kanadanı minimal hesabla üstələyib - 1:0.