Qara Qarayev "Keşlə" ilə oyunu buraxacaq

Azərbaycan millisinin düşərgəsində zədələnmiş "Qarabağ"ın futbolçusu Qara Qarayev bu gündən fərdi məşqlərə başlayıb.

"Report"un məlumatına görə, bu barədə 29 yalı yarımmüdafiəçi özünün feysbuk səhifəsində paylaşım edib.

O bildirib ki, ağrı olmayacağı təqdirdə, 5 - 6 gündən sonra komanda ilə hazırlığı bərpa edəcək.

Qeyd edək ki, Qara Qarayev zədə səbəbindən yığmanın DÇ-2022-nin seçmə mərhələsindəki oyunlarını buraxıb. "Qarabağ" Azərbaycan Premyer Liqasında növbəti oyununu aprelin 4-də səfərdə "Keşlə"yə qarşı keçirəcək.