"Qarabağ" - "Marsel" oyunundan əvvəl konsert olacaq

Bakıda "Qarabağ" və Fransanın "Marsel" komandaları arasında keçiriləcək UEFA Konfrans Liqasının pley-off mərhələsinin cavab oyununa gələcək azarkeşləri sürpriz gözləyir.

"Report"un məlumatına görə, matçın oynanılacağı Tofiq Bəhramov adına Respublika stadionunda tanınmış müğənnilər Abbas Bağırov, Samirə Əfəndi və Samir Cəfərovun iştirakı ilə konsert proqramı təşkil olunacaq.

Qeyd edək ki, fevralın 24-də gerçəkləşəcək "Qarabağ" - "Marsel" görüşü saat 21:45-də başlanacaq.