"Qəbələ" ilə vidalaşan futbolçu Rumıniya klubunda - YENİLƏNİB

"Qəbələ" ilə vidalaşan xorvatiyalı futbolçu Vinko Medimoreç Rumıniyanın UTA komandasına keçib.

"Report" klubun rəsmi saytına istinadən xəbər verir ki, 25 yaşlı müdafiəçi ilə 2 illik müqavilə imzalanıb.

Keçidi ilə bağlı danışan oyunçu təklifi qəbul etmək üçün çox düşünmədiyini bildirib.

Qeyd edək ki, Arad şəhərini təmsil edən UTA klubu ötən mövsüm Rumıniyanın yüksək liqasını 10-cu pillədə başa vurub.

“Qəbələ” klubu futbolçusu Vinko Medimoreçlə yollarını ayırıb.

"Report" "qırmızı qaralar"ın rəsmi saytına istinadən xəbər verir ki, ötən ilin sentyabrından komandaya qoşulan 25 yaşlı xorvatiyalı müdafiəçinin başa çatan müqaviləsi yenilənməyib.

O, 2020/2021 mövsümündə 26 oyuna 1 qol vurub. Medimoreç Premyer Liqada 23, Azərbaycan Kubokunda 3 matça çıxıb.

“Qəbələ” klubu Vinko Medimoreçə “qırmızı-qara” forma ilə keçirdiyi oyunlara və qazanılan qələbələrdəki payına görə təşəkkür edib, gələcək karyerasında uğurlar arzulayıb.